სემინარები

22 დეკემბერს ილიას სახელმწიფო უნივერსიტეტის ბიზნესის, ტექნოლოგიისა და განათლების ფაკულტეტის ენერგეტიკისა და მდგრადი განვითარების ინსტიტუტის ორგანიზებით ინტერდისციპლინური სემინარების ციკლის „ენერგეტიკა და მდგრადი განვითარება“ ფარგლებში ჩატარდება ენერგეტიკისა და მდგრადი განვითარების ინსტიტუტის მორიგი სემინარი: „მწვანე წყალბადი – მდგრადი ენერგეტიკის მომავალი“.

სემინარის შესახებ

მწვანე წყალბადის წარმოება და მოხმარება კლიმატის ცვლილების შესარბილებლად ბოლო წლების პოპულარული გლობალური ტენდენციაა. წყალბადისგანახლებადი ენერგიის შენახვის და დაბალანსებისთვის გამოყენება საშუალებას იძლევა მკვეთრად გაიზარდოს განახლებადი ელექტრობის წილი, ჩანაცვლდეს წიაღისეული რესურსების გამოყენება და შესაბამისი გაფრქვევები. ევროკავშირს და ბევრ ქვეყანას შემუშავებული აქვთ კომპლექსური სტრატეგიები და სამოქმედო გეგმები, რომლებზეც უდიდესი ფინანსური რესურსი გამოიყოფა, რაც მოიცავს ტექნოლოგიური კვლევის და განვითარების, პოლიტიკისა და ბიზნესპროცესების შემუშავების საკითხებს. ერთგვარი საერთაშორისო რბოლაა გამართული ამ მიმართულებით ლიდერობის დასამკვიდრებლად.

სემინარი დაეთმობა ე.წ. მწვანე წყალბადის თემატიკის განხილვას. კერძოდ, თანამედროვე წყაროებზე დაყრდნობით ვისაუბრებთ ბოლოდროინდელ ტენდენციებზე და პრეზენტაციები ძირითადად დაეყრდნობა ბოლოდროინდელი წყაროების მიმოხილვას:  

• წყალბადის წარმოების, შენახვის, ტრანსპორტირების და მოხმარების ტექნოლოგიები; 
• წყალბადის გამოყენება ტრანსპორტში, ინდუსტრიაში, ენერგეტიკაში; 
• მწვანე წყალბადი და განახლებადი ენერგიის განვითარების ხელშეწყობა; 
• პრეზენტაცია ძირითადად დაეყრდნობა ბოლოდროინდელი წყაროების მიმოხილვას; 
• მწვანე წყალბადის განვითარების საერთაშორისო პროცესები და ტენდენციები; 
• წყალბადის პერსპექტივები საქართველოსთვის – შესაძლო როლი ენერგეტიკული და ეკონომიკური უსაფრთხოების გაზრდაში

მომხსენებლების შესახებ 

• გიორგი ჩიქოვანი, საქართველოს ენერგეტიკის განვითარების ფონდის დირექტორი
• დავით ოთარიშვილი (H2exagOn (საფრანგეთი)), მმართველი პარტნიორი   
• მურმან მარგველაშვილი, ილიას სახელმწიფო უნივერსიტეტის  ასოცირებული პროფესორი მდგრადი განვითარებისა და ენერგეტიკული კვლევების მიმართულებით, ინსტიტუტის დირექტორი
• დავით ჯოგიაშვილი, ილიაუნის მაგისტრანტი და WEG უმცროსი მკვლევარი