სემინარები

20 მაისს, 13:00 საათზე, E207 აუდიტორიაში აკადემიური წერის ცენტრი ილიას სახელმწიფო უნივერსიტეტის დოქტორანტებსა და დოქტორანტურაში სწავლის გაგრძელების მსურველებს გიწვევთ სემინარზე „პროსპექტუსი, როგორც სადოქტორო კვლევის გეგმა“. შეხვედრაზე განვიხილავთ პროსპექტუსის წერისა და დაცვის საკითხებს, კერძოდ:

• რა არის პროსპექტუსის მიზანი და როგორი თავისებურებები აქვს ერთი შეხედვით პარადოქსულ ტექსტს?
• არსებობს თუ არა „ჯადოსნური“ რეცეპტი პროსპექტუსის დასაწერად?
• რას მოიცავს პროსპექტუსი:
• როგორ განვსაზღვროთ საკვლევი თემა და კვლევის არეალი/აქტუალურობა?
• როგორ ჩამოვაყალიბოთ საკვლევი კითხვები/ჰიპოთეზები?
• როგორ წარმოვაჩინოთ კვლევის შეზღუდვები?
• როგორ შევადგინოთ პროსპექტუსის რუკა/სქემა და კალენდარული გეგმა?
• როგორ ავირიდოთ თავიდან ზედმეტად დეტალური ან უკიდურესად ზოგადი პროსპექტუსები?
• როგორ გავმართოთ პროსპექტუსი ილიას სახელმწიფო უნივერსიტეტის აკადემიური სტილის შესაბამისად?

შესვენება 14:30-15:00 სთ.

• როგორ მოვამზადოთ, დავხვეწოთ და წარვადგინოთ პროსპექტუსი:
• ვისთან გავიაროთ კონსულტაცია, ვის წავაკითხოთ?
• როგორ ავაწყოთ/გავმართოთ პრეზენტაცია ილიას სახელმწიფო უნივერსიტეტის აკადემიური სტილის შესაბამისად?
• როგორი ენით ვისაუბროთ პროსპექტუსის დაცვისას?
• როგორ დავარწმუნოთ დარგობრივი კომისია დისკუსიისას?
• რისთვის უნდა ვიყოთ მზად?

სემინარს გაუძღვებიან აკადემიური წერის ცენტრის მოწვეული მასწავლებლები, აკადემიური წერის ცენტრის დირექტორის თანაშემწე, დოქტორი მარიამ იაშვილი და ილიას სახელმწიფო უნივერსიტეტის დოქტორანტი შალვა ბერიანიძე.

დრო: 20 მაისი, 13:00 საათი

ადგილმდებარეობა: E207 აუდიტორია, ქ. ჩოლოყაშვილის გამზ. N3/5, ვაკის პარკის გადმოსწვრივ

2023 წელი