სიახლეები

16 აპრილს TourMODE კვირეულის ფარგლებში ილიას სახელმწიფო უნივერსიტეტის ბიზნესის, ტექნოლოგიისა და განათლების ფაკულტეტის მოწვეული ლექტორი და ბიზნესაქსელერატორის „სპარკი” მენეჯერი სანდრო კანდელაკი გამართავს ტრენინგს თემაზე: „როგორ დავიწყოთ“.

„რაიმე საქმის დაწყებამდე ყოველთვის ვპოულობთ სხვადასხვა მიზეზს, რომ ეს საქმე არ დავიწყოთ, ან გადავდოთ დაწყება. ტრენინგზე გავივლით აზროვნებისა და მოქმედების ტექნიკებს, რომლებიც დაგვეხმარება სწრაფად ვიფიქროთ და ვიმოქმედოთ“, – ამბობს სანდრო კანდელაკი.

მომხსენებლის შესახებ

სანდრო კანდელაკი 2014 წლიდან ილიას სახელმწიფო უნივერსიტეტის ფაბლაბისა (Fablab Iliauni) და პრე-აქსლერატორ ზუმაუთს ხელმძღვანელობდა. ამჟამად იგი ბიზნესაქსელერატორის „სპარკი“ მენეჯერია.

5 წლის განმავლობაში სანდრო კანდელაკი მუშაობდა სხვადასხვა კომპანიაში სხვადასხვა მიმართულებით, ესენია: მარკეტინგი, ლოჯისტიკა, ინოვაციები, სტარტაპები. 2014 წლიდან T laboratory-ს ტრენერია, ხოლო 2015 წლიდან მუშაობს საკუთარი სტარტაპ-კომპანიების შექმნაზე. სანდრო კანდელაკს ორი მიმდინარე სტარტაპკომპანია აქვს.

პროექტში მონაწილეობის მისაღებად შეავსეთ მარტივი სააპლიკაციო ფორმა: http://bit.ly/TourmodeR

აპლიკაციის შევსების ბოლო დღე: 10 აპრილი