ღია კონკურსი ბიბლიოთეკაში
განცხადებები
ილიას სახელმწიფო უნივერსიტეტი აცხადებს ღია კონკურსს ბიბლიოთეკაში კატალოგიზაციისა და კლასიფიკაციის განყოფილების უფროსის თანამდებობაზე 2011 წლის 6 მაისიდან.
ზოგადი აღწერა
საბიბლიოთეკო ფონდების საერთაშორისო სტანდარტებით კატალოგიზაცია და საერთაშორისო კლასიფიკაციით მათი დალაგება საუნივერსიტეტო ბიბლიოთეკის ერთ-ერთი პრიორიტეტული სტრატეგიული მიზანია. ეს პროცესები ხელს უწყობს ერთი მხრივ, მომხმარებლის საჭიროებების შესაბამისად ფონდების გადანაწილებას, დაკომპლექტებას და მეორე მხრივ, საბიბლიოთეკო რესურსებზე სწრაფი და მოხერხებული წვდომის უზრუნველყოფას.
სამუშაო დატვირთვა: სრული განაკვეთი.
ანაზღაურება დარიცხული ხელფასის სახით: სრული განაკვეთი 1333 ლარი
ვაკანტური ადგილი: ერთი
ძირითადი მოვალეობები:
• კატალოგიზაციისა და კლასიფიკაციის პროცესის დაგეგმვა, განხორციელება და შეფასება;
• კატალოგიზაციისა და კლასიფიკაციის წესების საბიბლიოთეკო საქმიანობაში დანერგვა;
• საბიბლიოთეკო ერთეულების დამუშავების პროცესის კოორდინირება;
• კოლექციების შენარჩუნებისა და მოვლის სტრატეგიის შემუშავება, პრაქტიკაში განხორცილება;
• ფონდების ინვენტარიზაცია;
• ფონდების მიგრაცია.
შენიშვნა: კონკურსის შედეგად შერჩეულ პირს ჩაუტარდება ერთკვირიანი ტრენინგი ძირითადი მოვალეობის პუნქტში მოცემული დაავლებების პრაქტიკაში განხორციელების შესახებ.
სამუშაო გამოცდილება:
• მენეჯერის თანამდებობაზე მუშაობის გამოცდილება;
• პროქტების მართვის ან მასში მონაწილეობის გამოცდილება
განათლება
უმაღლესი განათლება - მეორე ან/და მესამე საფეხურის (ან მასთან გათანაბრებული)
კომპეტენციები
• დაგეგმვის, მონიტორინგისა და შეფასების უნარი
• კომუნიკაციისა და გუნდთან მუშაობის უნარი;
• კონფლიქტების მართვისა და პრობლემების გადაჭრის უნარი;
• კვლევის უნარი;
• ორგანიზებულობა და პუნქტუალურობა;
• მაღალი პასუხისმგებლობის გრძნობა;
• მოტივაციის მაღალი დონე;
• ინგლისური (კარგად)
• რუსული (კარგად)
• საბაზისო კომპიუტერული უნარ-ჩვევები: საოფისე პროგრამებში (MS Word, Excel) და ინტერნეტში მუშაობის კარგად განვითარებული უნარი.
კონკურსის ფორმატი
I ეტაპი - მიღებული საბუთების განხილვა;
I I ეტაპი - განკუთვნილია კონკურსის პირველი ეტაპის შედეგად შერჩეული კანდიდატებისთვის და გულისხმობს სიტუაცუაციური დავალების ნიმუშის შესაბამისი დოკუმენტის შექმნას (იხილეთ თანდართული დოკუმენტი - დავალების ნიმუში);
II ეტაპი - გასაუბრება;
III ეტაპი - შედეგების გამოქვეყნება.
კონკურსის ვადები
20.05.11 - საბუთების მიღების დასრულება;
25.05.11 - პირველი ეტაპი - სიტუაციური დავალება
31.05.11 - მეორე ეტაპი - გასაუბრება
02.06.11 - საბოლოო შედეგების გამოცხადება
წარმოსადგენი დოკუმენტაციის ნუსხა
- განცხადება კონკურსში მონაწილეობის სურვილის შესახებ
- CV;
- მოტივაციის წერილი.
დაინტერესებულმა კანდიდატებმა მითითებული დოკუმენტაცია უნდა გამოგზავნონ შემდეგ ელექტრონულ მისამართზე: vacancy@iliauni.edu.ge 2011 წლის 6 მაისიდან 2011 წლის 20 მაისის ჩათვლით. გთხოვთ, პოზიციის სახელწოდება მიუთითოთ ელ-ფოსტის სათაურში, წინააღმდეგ შემთხვევაში თქვენი კანდიდატურა არ განიხილება.
კონკურსის შესახებ საინფორმაციო შეხვედრა გაიმართება 13 მაისს 17:00 საათზე შემდეგ მისამართზე: ილია ჭავჭავაძის გამზირი №32, პირველი სართული, 101-ე აუდიტორია.
დავალების ნიმუში იხ. მიმაგრებულ დოკუმენტში. >>