ილიაუნის გამოცემები

აღწერა

ამ მნიშვნელოვან ნაშრომში, ზიგმუნდ ფროიდი განიხილავს ცივილიზაციასა და ინდივიდს შორის არსებულ ფუნდამენტურ დაძაბულობას. ავტორის აზრით, დაძაბულობის საწყისი მიზეზი ინდივიდის მიერ თავისუფლების ძიებაა, მაშინ, როცა ცივილიზაცია კონფორმიზმსა და ინსტინქტების ჩახშობას ითხოვს. ფროიდის აზრით, როდესაც სიამოვნების მიღების პროცესი ხანგრძლივდება, ჩნდება მშვიდი/ზომიერი კმაყოფილების შეგრძნება. კაცობრიობის პრიმიტიული ინსტინქტები დიდხანს ნარჩუნდება/ხანგრძლივდება (მაგალითად, მოკვლის და სექსუალური წყურვილის დაკმაყოფილების სურვილი), რაც საზოგადოებისათვის აშკარად ზიანის მომტანია. შედეგად, ცივილიზაცია ქმნის ისეთ კანონებს, რომლებიც კრძალავს მკვლელობას, გაუპატიურებას და ღალატს და მკაცრ აღმკვეთ საშუალებებს მიმართავს იმ შემთხვევაში, თუ მსგავსი კანონები ირღვევა. მსგავსი პროცესი, ფროიდის თქმით, თანდაყოლილია ცივილიზაციისათვის, რაც, თავის მხრივ, მოქალაქეებში მუდმივი უკმაყოფილების განცდას ჰბადებს.