ილიაუნის გამოცემები

არწერა

თანამედროვე პოპკულტურის შესავლისათვის შესანიშნავი წიგნია ჯონ სთორის „კულტურის კვლევები“. წიგნი გასაგებ ენაზე მოგვითხრობს იმ მეთოდებისა და თეორიების შესახებ, რომლებიც თანამედროვე კულტურის შესასწავლად გამოიყენება. დისკუსიებისა და განხილვების, ასევე გავლენიანი მიდგომების საშუალებით, წიგნი ერთგვარი მეგზურია კულტურის კვლევების განვითარების შესწავლის გზაზე. სხვადასხვა ქეისის სერიებით შეკრული ეს წიგნი სხვადასხვა თავში მრავალფეროვან მედიასაშუალებებს მიმოიხილავს და ფაქტობრივი კვლევის მეთოდოლოგიას აანალიზებს. თითოეული თავი წარმოგვიდგენს ისეთ თემებს, როგორებიცაა: ტელევიზია, ფილმები, გაზეთები და ჟურნალები, პოპმუსიკა და კონსუმერიზმი (ფანების კულტურა და შოპინგი). სტუდენტებს, რომელთათვისაც ეს სფერო ჯერ კიდევ ახალია, წიგნი, ძალიან გამოსადეგ თეორიებთან ერთად, შესანიშნავ მეთოდებს სთავაზობს, ხოლო მათ, ვინც გარკვეულ დონეზე უკვე იცნობს კულტურის კვლევის პროცედურას და პოლიტიკას, ის მთლიანი სფეროს კარგად შეკრული მოკლე მიმოხილვა იქნება.