სიახლეები სტუდენტებისთვის

30 ივნისს, 16:00 საათზე, კომპანია Moore abc ილიაუნის სტუდენტებსა და კურსდამთავრებულებთან გამართავს შეხვედრას კომპანიაში დასაქმების შესაძლებლობების შესახებ. 

„მოორ ეიბისი“ 2008 წლიდან ემსახურება საბუღალტრო და საგადასახადო აღრიცხვა-ანგარიშგების, ქონების შეფასების, აუდიტის და დაკავშირებული პროფესიული მომსახურების სფეროს მთელი საქართველოს მასშტაბით.

კომპანიის ძირითადი მიმართულებებია:

• აუდიტი და მარწმუნებელი გარიგებები
• საშემფასებლო მომსახურება
• საგადასახადო და იურიდიული მომსახურება
• საბუღალტრო მომსახურება
• ხელფასის ადმინისტრირება

მოორ ეიბისი აუდიტორული და საკონსულტაციო ფირმების გლობალური ქსელის Moore Global Network Limited დამოუკიდებელი წევრია. ქსელი აერთიანებს 502 ოფისს 114 ქვეყანაში, ჰყავს 30 000-ზე მეტი თანამშრომელი და მისი შემოსავალი შეადგენს 3 563 მილიარდ აშშ დოლარს.

შეხვედრას გაუძღვებიან Moore-ის აუდიტის უფროსი მენეჯერი სოფო აბაიაძე და პარტნიორი/აუტსორსინგის დეპარტამენტის ხელმძღვანელი თეონა აბდუშელიშვილი. 

ღონისძიება დააინტერესებთ ბიზნესისა და სამართლის სკოლის სტუდენტებს/კურსდამთავრებულებს.

შეხვედრაზე დასაწრებად გთხოვთ, გაიაროთ რეგისტრაცია.

შეხვედრამდე ერთი საათით ადრე დარეგისტრირებული პირები მითითებულ ელფოსტაზე მიიღებენ შეხვედრის ბმულს.

დრო: 30 ივნისი,16:00 

2022 წელი