სიახლეები სტუდენტებისთვის

8 ოქტომბერს, 14:00 საათზე, ილიას სახელმწიფო უნივერსიტეტის E207 აუდიტორიაში სტუდენტებისა და კურსდამთავრებულებისთვის დასაქმების ფორუმს გამართავს კომპანია „მიმინო თრეველი“.

შეხვედრის პირველ ნაწილში ამომწურავ ინფორმაციას მიიღებთ კომპანიისა და ტურიზმის მიმართულებით კარიერული განვითარების ხელშემწყობი პროექტის „გიდების სკოლის“ შესახებ. შემდეგ კი კომპანიის ადამიანური რესურსების მენეჯერი დაინტერესებულ სტუმრებს ინდივიდუალურად გაესაუბრება.

ილიაუნის სტუდენტები და კურსდამთავრებულები შეძლებენ ადგილზე გაიარონ პირველადი შერჩევის ეტაპი, რის შემდეგაც კომპანია განიხილავს მათ აპლიკაციებს/რეზიუმეებს.

დაინტერესებულ პირებს შესაძლებლობა ექნებათ ადგილზე შეავსონ სააპლიკაციო ფორმა. ასევე შეგიძლიათ წამოიღოთ თქვენი ამობეჭდილი რეზიუმე და წარუდგინოთ კომპანიის წარმომადგენელს.

პროექტი „გიდების სკოლა“

„გიდების სკოლა“ საინტერესოა ტურიზმის მიმართულებით კარიერის განვითარების მსურველი სტუდენტებისთვის. პროექტში მონაწილეობა უფასოა და გულისხმობს როგორც თეორიულ, ასევე პრაქტიკულ სწავლებას და, წარმატების შემთხვევაში, მაღალანაზღაურებად სამსახურს ტურისტულ კომპანიაში.

 სასწავლო კურსის შემდეგ გაიცემა სერტიფიკატი.

„მიმინო თრეველის“ დასაქმების ფორუმში მონაწილეობა შეუძლიათ ილიას სახელმწიფო უნივერსიტეტის ნებისმიერი მიმართულების სტუდენტებსა და კურსდამთავრებულებს, რომლებიც ფლობენ მინიმუმ ერთ უცხო ენას.

შეხვედრაზე დასასწრებად საჭიროა წინასწარი რეგისტრაცია: https://goo.gl/eTCLWK

დრო: 8 ოქტომბერი, ორშაბათი, 14:00-17:00 საათი.

ადგილმდებარეობა: E207 აუდიტორია ( ქ. ჩოლოყაშვილის 3/5), ილიას სახელმწიფო უნივერსიტეტი)