სიახლეები სტუდენტებისთვის

ილიას სახელმწიფო უნივერსიტეტი აცხადებს ანაზღაურებად სტაჟირებას მეცნიერებათა და ხელოვნების ფაკულტეტზე 2023 წლის ერთიანი ეროვნული საბაკალავრო და სამაგისტრო გამოცდების შედეგად ჩარიცხულ აბიტურიენტთა/მაგისტრანტობის კანდიდატთა შიდა საფაკულტეტო რეგისტრაციისა და ფაკულტეტზე მიმდინარე სხვა პროცესების მხარდასაჭერად, შიდა საუნივერსიტეტო საქმისწარმოების შესასწავლად და ქვემოთ მითითებული პროცესების შესასრულებლად:

• სარეგისტრაციო ბაზაში მონაცემების შეყვანა;
• ხელშეკრულების რეგისტრაციის პროცესში ფაკულტეტის ადმინისტრაციის თანამშრომელთა ასისტირება;
• საბაკალავრო და სამაგისტრო საფეხურის სტუდენტთა და კურსდამთავრებულთა პირადი საქმეების მოწესრიგება;
• სტუდენტების პირადი საქმის ორგანიზება;
• ფაკულტეტზე მიმდინარე პროცესების მხარდაჭერა.

საკვალიფიკაციო მოთხოვნები:

• ილიას სახელმწიფო უნივერსიტეტის საბაკალავრო ან სამაგისტრო საფეხურის სტუდენტი;
• საოფისე პროგრამების ცოდნა: MS Office.

ქცევითი კომპეტენციები:

• ეფექტური კომუნიკაციის უნარი;
• ქართულ ენაზე გამართული წერითი და ზეპირი კომუნიკაციის უნარი;
• ახალ ინფორმაციასთან/ამოცანებთან გამკლავების უნარი;
• დეტალებსა და შედეგზე ორიენტაციის უნარი;
• პასუხისმგებლობის გრძნობა;
• გუნდური მუშაობის უნარი; 
• შემჭიდროებულ ვადებში მუშაობის უნარი;
• კონფიდენციალურობის დაცვა;
• ეთიკურობა და კეთილსინდისიერება.

სამუშაო პირობები:

სამუშაო ადგილი: თბილისი, ილია ჭავჭავაძის გამზ. №32

ფაკულტეტი: მეცნიერებათა და ხელოვნების ფაკულტეტი

სამუშაო გრაფიკი: სრული, კვირაში 5 დღე და არაუმეტეს 40 საათისა, სამუშაო და დასვენების დღეები თანხმდება უშუალო ხელმძღვანელთან

სტაჟირების ხანგრძლივობა:  2023 წლის 14 აგვისტოდან 22 სექტემბრის ჩათვლით

ანაზღაურება: მოწვევის ვადაზე 300 ლარი (დარიცხული)

ვაკანტური ადგილების რაოდენობა - 8

გაიცემა ორენოვანი სერტიფიკატი.

პოზიციით დაინტერესების შემთხვევაში გთხოვთ, 2023 წლის 31 ივლისის ჩათვლით, გამოგზავნოთ CV და სამოტივაციო წერილი (არა უმეტეს 200 სიტყვისა)  მისამართზე:  vacancy@iliauni.edu.ge

აპლიკაციის გამოგზავნისას წერილის სათაურში მიუთითეთ ვაკანსიის დასახელება: „სტაჟირება მეცნიერებათა და ხელოვნების ფაკულტეტზე (რეგისტრარის ოფისი)“.

 კონკურსი წარიმართება 2 ეტაპად:

1. წარმოდგენილი საბუთების განხილვა;
2. გასაუბრება ZOOM-ის საშუალებით.

ყურადღება: დავუკავშირდებით მხოლოდ შერჩეულ კანდიდატებს!

თქვენ მიერ ვაკანსიის ფარგლებში ჩვენთვის რეზიუმეს ან/და პერსონალური მონაცემების შემცველი სხვა დოკუმენტის წარდგენით აცხადებთ თანხმობას შერჩევის პროცესში დაწესებულების მიერ თქვენი პერსონალური მონაცემების ფლობასა და დამუშავებაზე ,,პერსონალურ მონაცემთა დაცვის შესახებ“ საქართველოს კანონის შესაბამისად.

2023