ვაკანსიები ადმინისტრაციულ დამხმარე თანამდებობებზე

ილიას სახელმწიფო უნივერსიტეტი აცხადებს ვაკანსიას საბუნებისმეტყველო მეცნიერებებისა და მედიცინის ფაკულტეტის ხარისხის უზრუნველყოფის სამსახურის სასწავლო პროცესის ეფექტურობის ანალიზის სპეციალისტის პოზიციაზე.

ფუნქცია-მოვალეობები:

• სასწავლო პროცესის მონიტორინგი და შეფასება განსაზღვრული კრიტერიუმების შესაბამისად;
• სასწავლო პროცესის ფარგლებში გამოვლენილი ხარვეზების აღმოფხვრის მიზნით შესაბამისი განმავითარებელი სტრატეგიების შემუშავებაში მონაწილეობის მიღება;
• ფოკუსჯგუფების ჩატარება აკადემიური პროგრამების ფარგლებში, რაოდენობრივი მონაცემების სტატისტიკური დამუშავება და შესაბამისი ანგარიშების მომზადება (სტუდენტებთან, აკადემიურ და მოწვეულ პერსონალთან, დამსაქმებლებთან, კურსდამთავრებულებთან);
• სტუდენტური გამოკითხვების რაოდენობრივი ანალიზი და შეფასება;
• აკადემიური პროგრამების მიზნების და ამოცანების გათვალისწინებით განმავითარებელი სტრატეგიების დასახვაში მონაწილეობა პროგრამაში ჩართულ აქტორებთან (აკადემიური და მოწვეული პერსონალი, სტუდენტები, კურსდამთავრებულები, დამსაქმებლები, ფაკულტეტის ადმინისტრაცია) თანამშრომლობით;
• პროგრამების ინტერნაციონალიზაციისა და განვითარების მიზნით შესაბამისი საერთაშორისო პრაქტიკის შესწავლა;
• აკადემიური პერსონალის საქმიანობის შეფასების პროცესში მონაცემების ანალიზი;
• საჭიროების მიხედვით, ფაკულტეტზე მიმდინარე სხვა აქტივობებში მონაწილეობა.

საკვალიფიკაციო მოთხოვნები:

• უმაღლესი განათლება (სასურველია მაგისტრის ხარისხი განათლების, სოციალურ ან ჰუმანიტარულ მეცნიერებებში ან წარმატებით გავლილი სტატისტიკის კურსი/ები);
• ინგლისური ენის მინიმუმ B2 დონეზე ცოდნა (სასურველია შესაბამისი დონის დამადასტურებელი ვალიდური სერტიფიკატის/ცნობის წარმოდგენა);
• საოფისე პროგრამების სრულყოფილად ცოდნა;
• სასურველია მონაცემების დამუშავებასთან დაკავშირებული მინიმუმ ორწლიანი გამოცდილება;

პიროვნული უნარ-ჩვევები:

• ანალიტიკური აზროვნების უნარი
• საქმიანობის ორგანიზებისა და დაგეგმვის უნარი
• დაკვირვებულობა და დეტალებზე ორიენტირებულობა
• ეფექტური კომუნიკაციის უნარი

სამუშაო პირობები:

სამუშაო ადგილი: თბილისი, ჩოლოყაშვილის 3/5;

სამუშაო დრო: სრული (კვირაში 40 საათი).

დაინტერესებულმა პირებმა უნდა წარმოადგინონ: CV , პირადობის მოწმობა, დიპლომის ასლი 2022 წლის 16 აპრილიდან 30 აპრილის ჩათვლით შემდეგ ელმისამართზე: vacancy@iliauni.edu.ge. გთხოვთ, ელფოსტის საგნის ველში (Subject) მიუთითოთ პოზიციის დასახელება .

შერჩევა წარიმართება ორ ეტაპად: წარმოდგენილი დოკუმენტების განხილვა და გასაუბრება.

დავუკავშირდებით მხოლოდ კონკურსის პირველ ეტაპზე შერჩეულ კანდიდატებს ტელეფონის ან/და ელექტრონული ფოსტის საშუალებით.

2022 წელი