NATO Science for Peace and Security Programme: კონკურსი სტიპენდიის მოსაპოვებლად
სტიპენდიები და გაცვლითი პროგრამები
ნატოს პროგრამით „მეცნიერება მშვიდობისა და უსაფრთხოებისთვის / NATO Science for Peace and Security Programme“ განხორციელებული პროექტის „საზოგადოებრივი უსაფრთხოებისა და სირთულეებთან გამკლავების შეტყობინებისა და მართვის ქსელის შექმნის / Network for Alerting and Managing Public Safety and Resilience – REACT“ ფარგლებში, გამოცხადდა კონკურსი სტიპენდიის მოსაპოვებლად.
სტიპენდიის გაცემის ხანგრძლივობა: 11 თვე
გაცემის დაწყების ვადა: 2022 წლის თებერვალი
სტიპენდიის ოდენობა: 400 ევრო (ეკვივალენტი ლარში).
კონკურსში მონაწილეობის მიღების შესახებ:
კონკურსში მონაწილეობა შეუძლიათ ილიას სახელმწიფო უნივერსიტეტის მაგისტრანტებს, დოქტორანტებს, მაგისტრებსა და ახალგაზრდა მკვლევრებს ეკოლოგიური კვლევების მიმართულებით, რომელთაც ჯერ არ შესრულებიათ 30 წელი.
აპლიკანტს უნდა ჰქონდეს სენსორებთან ურთიერთობის ინფორმაცია/გამოცდილება, ერკვეოდეს ატმოსფერული ჰაერის დამაბინძურებელ აგენტებსა და მათგან გამოწვეულ ზიანში.
გამოქვეყნებული უნდა ჰქონდეს მინიმუმ ერთი სამეცნიერო სტატია საერთაშორისო რეფერირებულ სამეცნიერო ჟურნალში. ინგლისურ ენას უნდა ფლობდეს მინიმუმ B ენობრივ დონეზე.
აპლიკანტმა უნდა წარმოადგინოს:
ა) ავტობიოგრაფია(CV) თანდართული სურათით;
ბ) სამოტივაციო წერილი მოკლე აღწერით, რატომ სურს პროექტში მონაწილეობა.
დაინტერესებულმა კანდიდატებმა მოთხოვნილი დოკუმენტაცია გაგზავნეთ შემდეგ ელმისამართებზე:
განაცხადის მიღების ვადა: 20 იანვარი, 18:00 საათი, 2022 წელი
შერჩეულ კანდიდატებთან გასაუბრება ჩატარდება 2022 წლის 21-დან 26 იანვრის ჩათვლით. კონკრეტული დროის შესახებ აპლიკანტს პროექტის ხელმძღვანელი დამატებით აცნობებს ელექტრონულ ფოსტაზე.
2022 წელი