ახალი ამბები

ილიას სახელმწიფო უნივერსიტეტის მეცნიერებათა და ხელოვნების ფაკულტეტი ენისა და მეტყველების თერაპიის სამაგისტრო პროგრამის კლინიკური პრაქტიკის ფარგლებში 4-დან 12 წლამდე მეტყველების დარღვევის მქონე ბავშვებს სთავაზობს რამდენიმე სახის კონსულტაცია-თერაპიას.

მეტყველების დარღვევაში იგულისხმება, თუ ბავშვს:

• აქვს ბგერების წარმოთქმის სირთულე (უჭირს ცალკეული ბგერების გამოთქმა, ანაცვლებს სხვა ბგერით, ან ტოვებს ბგერებსა და მარცვლებს სიტყვებში);
• მისი მეტყველება რთულად გასაგებია გარშემომყოფებისთვის.

ენისა და მეტყველების თერაპევტები და სამაგისტრო პროგრამის სტუდენტები ილიას სახელმწიფო უნივერსიტეტის პროფესორის სუპერვიზიით უზრუნველყოფენ:

• ბავშვის მეტყველების განვითარების შეფასებას;
• საჭირო ინტერვენციის დაგეგმვასა და განხორციელებას;
• წერილობითი რეკომენდაციების გაცემას.

კლინიკური პრაქტიკის ფარგლებში ბავშვები უფასოდ მიიღებენ მაღალი ხარისხის თანამედროვე სტანდარტების შესაბამის მომსახურებას (სულ 15 სესია).

რეგისტრაციის დეტალები და პირობები:

• რეგისტრაციის ბოლო ვადა: 21 მარტი, 2026 წელი
• რეგისტრაციის ბმული: https://forms.gle/hGTatZep6kMuJX7MA
• ადგილები შეზღუდულია: შესაძლებელია მხოლოდ 9 ბავშვის მიღება.

დამატებითი ინფორმაციისთვის შეგიძლიათ დაუკავშირდეთ პროექტის ორგანიზატორებს ნომერზე: 595 69 99 91

2026