ახალი ამბები

ილიას სახელმწიფო უნივერსიტეტში Startup Grind-ის საუნივერსიტეტო წარმომადგენლობისთვის მოხალისეების ყოველწლიური შერჩევა განახლდა

Startup Grind-ის წარმომადგენლობა, რომელიც ილიას სახელმწიფო უნივერსიტეტში 2023 წლიდან ფუნქციონირებს, აქტიურად მართავს ტექნოლოგიურ და სამეწარმეო შეხვედრებსა და ღონისძიებებს არაფორმალურ გარემოში. შარშან მოხალისეების ჩართულობითა და მონაწილეობით განვახორციელეთ 2 გლობალური (Nasa Space Apps და DigiEduHack) და 1 SaaS ჰაკათონი ტერაბანკთან თანამშრომლობით, ასევე სამაგიდო თამაშების შეხვედრები, პრე-აქსელერაცია და გავმართეთ შეხვედრები წარმატებული სტარტაპების წარმომადგენლებთან.

თუ ხარ ილიაუნის სტუდენტი და გსურს, თავი გამოცადო მრავალფეროვან გარემოში, გაეცნო მსოფლიოს ყველაზე დიდ სტარტაპ საზოგადოების ორგანიზაციას და შენი პროფესია მოარგო თანამედროვე ტექნოლოგიურ საჭიროებებს, მაშინ ეს შესაძლებლობა შენთვისაა.

წარმომადგენლობის მიზანია ილიაუნის სტუდენტებს მისცეს წვდომა საერთაშორისო შესაძლებლობებთან და გააძლიეროს ქართული სტარტაპის ეკოსისტემა.

როგორ გავხდე მოხალისე?

თუ გსურს, გახდე Startup Grind ილიაუნის გუნდის წევრი, შეავსე სააპლიკაციო ფორმა 2024 წლის 28 აპრილამდე.

მოხალისეობა შეუძლია ილიაუნის ნებისმიერი ფაკულტეტის სტუდენტს.

მოხალისეები შეირჩევიან ინტერესისა და მოტივაციის საფუძველზე. შერჩეულ კანდიდატებს ინტერვიუსთან დაკავშირებით დავუკავშირდებით 2024 წლის 30 აპრილის ჩათვლით.

• სააპლიკაციო ფორმა: https://forms.gle/YnpsNMpn7ddcPiET9
• Startup Grind-ის შესახებ: https://youtu.be/96EcXtVh7KQ 

Startup Grind 2010 წელს სან ფრანცისკოში დაარსდა და სტარტაპების ყველაზე დიდი და გლობალური საზოგადოებაა, რომელიც აერთიანებს 5 მილიონ წევრს და 600 წარმომადგენლობას 125-ზე მეტ ქვეყანაში. ორგანიზაციის მიზანია განათლების, კავშირებისა და შესაძლებლობათა შექმნით სტარტაპებს დაეხმაროს მასშტაბირებაში. 

დამატებითი ინფორმაციისთვის დაუკავშირდით: tiko.m@startupgrind.com

2024