ახალი ამბები

29 აპრილს ილიას სახელმწიფო უნივერსიტეტის G106 დარბაზში გაიმართა პანელური დისკუსია „ევროკავშირის გაფართოება გლობალური ცვლილებების ეპოქაში: შესაძლებლობები და გამოწვევები საქართველოსთვის“.

დისკუსია დაეთმო მნიშვნელოვანი თემების განხილვას, როგორებიცაა:

• ევროკავშირის გაფართოებასთან დაკავშირებული უსაფრთხოების და გეოპოლიტიკური არგუმენტები;
• გლობალური გეოპოლიტიკური ცვლილებების გავლენა ევროკავშირის სტრატეგიულ ხედვაზე;
• გლობალური ტრანსფორმაციების მნიშვნელობა საქართველოსთვის და საქართველოს პოზიციონირება ახლად წარმოქმნილ გეოპოლიტიკურ ლანდშაფტში.

დისკუსიაში მონაწილეობდნენ ვიურცბურგის უნივერსიტეტის პროფესორი სონია გრიმი და ილიას სახელმწიფო უნივერსიტეტის მეცნიერებათა და ხელოვნების ფაკულტეტის პროფესორები: გიორგი გვალია, ნინო ფავლენიშვილი და არჩილ აბაშიძე. დისკუსიას მოდერაციას უწევდა ამავე ფაკულტეტის პროფესორი დავით აფრასიძე.

დისკუსიის მეორე ნაწილი კითხვა-პასუხს დაეთმო, რაც დამსწრე საზოგადოებას საშუალებას აძლევდა, ერთი მხრივ, დამატებითი ინფორმაცია მიეღო საინტერესო თემებზე და, მეორე მხრივ, გაეზიარებინა საკუთარი მოსაზრებები.

ღონისძიება გაიმართა ჰორიზონტი ევროპის პროექტის „ცვლილებების მიღება: დაბრკოლებების დაძლევა და დემოკრატიის წინსვლა ევროპის სამეზობლოში“ (EMBRACE) ფარგლებში ვიურცბურგის უნივერსიტეტთან (გერმანია) თანამშრომლობით.

2025