განაცხადების მიღება Horizon Europe-ის პროექტ METEOR-ის აკადემიაში მონაწილეობისთვის
ახალი ამბები
პროექტი METEOR (Methodologies for Teamworking in Eco-outwards Research) დოქტორანტებსა და ახალგაზრდა მკვლევრებს იწვევს საერთაშორისო აკადემიურ პროგრამაში მონაწილეობისთვის.
Horizon Europe-ის დაფინანსებული პროექტი METEOR მიზნად ისახავს დოქტორანტებისა და მკვლევრებისთვის ტრანსფერული უნარების – მათ შორის გუნდური მუშაობის, თანამშრომლობის, კვლევითი პროექტების მართვისა და სამეცნიერო კომუნიკაციის – განვითარებას.
პროექტის ერთ-ერთი ძირითადი ნაწილია დოქტორანტებისა და ახალგაზრდა მკვლევრების აკადემია, რომელიც აკავშირებს სხვადასხვა დისციპლინის წარმომადგენლებს და სთავაზობს 12-15-თვიან თანამშრომლობას კვლევითი და ინოვაციური იდეების გენერირებისა და განვითარებისთვის. მონაწილეებისთვის ხელმისაწვდომი იქნება პროექტისთვის სპეციალურად შემუშავებული სასწავლო რესურსები.
შესაძლებელია მონაწილეობის სამი ფორმატის არჩევა:
- „თანამშრომლობით მენტორული ჯგუფების“ (PMG) პრინციპზე დაფუძნებული სრული პროგრამა: 5-7-წევრიანი ჯგუფები იმუშავებენ მენტორის ხელმძღვანელობით. ჯგუფები ონლაინ ითანამშრომლებენ, შემდეგ კი დაესწრებიან სხვადასხვა აკადემიას, რომლებიც 2026 და 2027 წლებში გაიმართება. მგზავრობისა და განთავსების ხარჯებს სრულად დაფარავს METEOR-ის პროექტი.
- ალტერნატიული ვარიანტი – PMG-ში მონაწილეობა აკადემიაში ადგილზე დასწრების გარეშე. მონაწილეები საპროექტო წინადადებებზე იმუშავებენ ონლაინ.
- Meteor-ის სასწავლო ონლაინრესურსებზე წვდომა – PMG-ში და საპროექტო წინადადების შემუშავების პროცესში მონაწილეობის გარეშე.
თითოეული აკადემია საშუალოდ 50-60 მონაწილეს უმასპინძლებს. მონაწილეების განთავსებას უზრუნველყოფს მასპინძელი უნივერსიტეტი, მგზავრობის ხარჯებს მონაწილეთა უნივერსიტეტი დაფარავს METEOR-ის ბიუჯეტიდან.
აკადემია ორ ეტაპად ჩატარდება.
პირველი ეტაპი 2026 წლის დასაწყისში ხუთ აკადემიას მოიცავს:
- როსკილდის უნივერსიტეტი, დანია − 12-16 იანვარი
- იუვასკილის უნივერსიტეტი, ფინეთი − 19-23 იანვარი
- ჰაჩეტეპის უნივერსიტეტი, თურქეთი − 26-30 იანვარი
- ევროპის უნივერსიტეტი, კვიპროსი − 2-6 თებერვალი
- CEEI ბურგოსი, ესპანეთი − 9-13 თებერვალი
ჯგუფები 2025 წლის ნოემბერ-დეკემბერში ონლაინ შეიქმნება, რის შემდეგაც სტუდენტები აკადემიებში განაწილდებიან. აკადემიები უზრუნველყოფს როგორც ნეთვორქინგს, ასევე კვლევითი იდეების შემუშავების შესაძლებლობას.
დაინტერესებულმა დოქტორანტებმა და ახალგაზრდა მკვლევრებმა არაუგვიანეს 15 აგვისტოსიუნდა შეავსონ სარეგისტრაციო ფორმა:
https://forms.office.com/r/2rSWGSRTa3
დამატებითი ინფორმაცია პროექტ Meteor-ის შესახებ ხელმისაწვდომია ოფიციალურ ვებგვერდზე: www.meteorhorizon.eu
2025