სიახლეები

KAIST უნივერსიტეტმა (კორეა) გამოაცხადა მიღება მაგისტრატურასა და დოქტორანტურაზე სწავლის მსურველებისთვის. წარმატებული კანდიდატები შეძლებენ KAIST უნივერსიტეტში უფასოდ სწავლას; ისინი ასევე მიიღებენ ყოველთვიურ სტიპენდიას და სრულად დაფინანსებულ ჯანმრთელობის დაზღვევას.

სტიპენდიის ხანგრძლივობა:

მაგისტრატურა − 4 სემესტრი;

დოქტორანტურა − 8 სემესტრი;

ინტეგრირებული სამაგისტრო და სადოქტორო პროგრამები − 10 სემესტრი.

სწავლის დაწყების თარიღი: 2025წლის 1 სექტემბერი

კონკურსში მონაწილეობის წინაპირობები:

• ინტეგრირებულ ან სამაგისტრო პროგრამებზე სწავლის მსურველებს 2025 წლის აგვისტომდე მოპოვებული უნდა ჰქონდეთ ბაკალავრის ხარისხი, ხოლო დოქტორანტურაზე სწავლის მსურველებს − მაგისტრის ხარისხი;
• აპლიკანტი არ უნდა იყოს წარმოშობით კორეელი;
• აპლიკანტმა ინგლისური ენის კომპეტენციის დასადასტურებლად უნდა წარმოადგინოს TOEFL iBT, IELTS, TOEIC ან TEPS სერტიფიკატი;
• აპლიკანტმა აპლიკაციის მიღების პერიოდში უნდა მოძებნოს აკადემიური მრჩეველი მასპინძელ უნივერსიტეტში.

რეგისტრაციის საფასური: USD 80

განაცხადების მიღების ბოლო ვადა: 23 დეკემბერი, 2024.

რეკომენდატორის მიერ სარეკომენდაციო წერილის გაგზავნის ბოლო ვადა: 6 იანვარი, 2025.

კონკურსის შესახებ დეტალური ინფორმაცია იხილეთ ვებგვერდზე.­

2024