კონკურსები სტუდენტებისთვის

გამოცხადდა კონკურსი თურქეთის მთავრობის მიერ დაფინანსებული მევლანას (MEVLANA) გაცვლითი პროგრამის ფარგლებში სტიპენდიების მოსაპოვებლად 2019-2020 სასწავლო წლისთვის ილიას სახელმწიფო უნივერსიტეტის ბაკალავრიატისა და მაგისტრატურის სტუდენტებისთვის შემდეგ თურქულ უნივერსიტეტებში მობილობისთვის:

• ჰაჯეთეფეს უნივერსიტეტი 
• ბაიბურთის უნივერსიტეტი

კონკურსში მონაწილეობა შეუძლიათ:

• თურქული ენისა და ლიტერატურის მიმართულების ბაკალავრებსა და მაგისტრანტებს (თურქულენოვანი პროგრამა; ჰაჯეთეფეს უნივერსიტეტი);
• ბიოლოგიის მიმართულების ბაკალავრებსა და მაგისტრანტებს (თურქულენოვანი პროგრამა; ჰაჯეთეფეს უნივერსიტეტი);
• ბიზნესის ადმინისტრირების მიმართულების ბაკალავრებსა და მაგისტრანტებს (ინგლისურენოვანი პროგრამა; ჰაჯეთეფესა და ბაიბურთის უნივერსიტეტები);
• ანგლისტიკა (ინგლისურენოვანი პროგრამა; ბაიბურთის უნივერსიტეტი);
• ფილოსოფიის მიმართულების მაგისტრანტებს (თურქულენოვანი პროგრამა; ჰაჯეთეფეს უნივერსიტეტი).

გაცვლით პროგრამაში მონაწილე სტუდენტები ყოველთვიურად მიიღებენ სტიპენდიას 1000 თურქული ლირის ოდენობით. დაზღვევისა და მგზავრობის ხარჯი  უნდა აანაზღაუროს სტუდენტმა. მობილობის ხანგრძლივობაა 4 თვე.

კონკურსში მონაწილეობა არ შეუძლიათ:

• ბაკალავრებს, რომელთა GPA ნაკლებია 2.50-ზე (საშუალო ქულა – 77-80);
• მაგისტრანტებს, რომელთა GPA ნაკლებია 3.00-ზე (საშუალო ქულა – 84-86);
• პირველი კურსის ბაკალავრებს;
• პირველი სემესტრის მაგისტრანტებს;
• ბოლო კურსის ბაკალავრებსა და მაგისტრანტებს.

სააპლიკაციო დოკუმენტაციის ჩამონათვალი სტუდენტებისთვის:  

• სააპლიკაციო ფორმა (ჩამოტვირთეთ შესაბამისი ფორმა);
• თურქული და/ან ინგლისური ენის ცოდნის დამადასტურებელი საბუთი*;
• 2 ცალი ფოტოსურათი ¾;
• ნიშნების ფურცელი.

სააპლიკაციო დოკუმენტების ელექტრონული ასლები უნდა გამოიგზავნოს მისამართზე mevlana@iliauni.edu.ge. ორიგინალი დოკუმენტები (თითოეული დოკუმენტის 2 ასლი) კონკურსანტმა უნდა მოიტანოს საგარეო ურთიერთობების სამსახურში (ქ. ჩოლოყაშვილის გამზ. 3/5, ოთახი E208).

განაცხადის მიღების ბოლო ვადაა 2019 წლის 25 თებერვალი.

დამატებითი შეკითხვების შემთხვევაში მიმართეთ საგარეო ურთიერთობების სამსახურს:
ელფოსტა: mevlana@iliauni.edu.ge 
მის.: ქ. ჩოლოყაშვილის გამზ. 3/5, ოთახი E208
ტელ.: 995 322 220009 (367-ext.)