სიახლეები

ილიას სახელმწიფო უნივერსიტეტის სამართლის სკოლა აცხადებს სტუდენტთა ანაზღაურებად სტაჟირებას სამართლის სკოლის საბაკალავრო საფეხურის მეორე და მესამე კურსის სტუდენტებისთვის.

მოთხოვნები:

• 2022 წლის ერთიანი ეროვნული გამოცდების შედეგად ჩარიცხულ ბაკალავრისა და მაგისტრანტობის კანდიდატთა სარეგისტრაციო პროცესში მონაწილეობა, კერძოდ: სარეგისტრაციო ბაზაში მონაცემების შეყვანა, ხელშეკრულების გაფორმების პროცესში ფაკულტეტის ადმინისტრაციის თანამშრომელთა დახმარება;
• სატელეფონო და ზეპირი საინფორმაციო ხასიათის კონსულტაციების გაწევა;
• სტუდენტთა პირადი საქმეების მოწესრიგება;
• დიპლომის დანართების დამზადებისას ტექნიკური ხასიათის დახმარება;
• შიდა და გარე მობილობაში მონაწილე სტუდენტების რეგისტრაცია და საინფორმაციო შეხვედრების პროცესში დახმარება;
• სასწავლო პროცესის მონიტორინგი;
• სასწავლო პროცესის მიმდინარეობასთან დაკავშირებული ყოველკვირეული და ყოველთვიური ანგარიშების მომზადება.

სტაჟირების პირობები

• ვაკანტური ადგილების რაოდენობა - 2;
• თვიური სარგო  - 270  ლარი (დარიცხული);

კონკურსი ჩატარდება ორ ეტაპად:

1. პირველ ეტაპზე შერჩევა მოხდება რეზიუმეების მიხედვით;
2. მეორე ეტაპზე გადასული კონკურსანტები გაივლიან გასაუბრებას.

კონკურსში მონაწილეობისთვის კანდიდატმა უნდა გამოგზავნოს  რეზიუმე (CV) მისამართზე vacancy@iliauni.edu.ge   2023 წლის  6 ივლისის 18:00 საათამდე.

გთხოვთ, საგნის  ველში მიუთითოთ დასახელება „სამართლის სკოლის სტაჟიორი“.

2023