სიახლეები

13 სექტემბერს, 16:00 საათზე, ილიას სახელმწიფო უნივერსიტეტის E325 აუდიტორიაში მათემატიკოსი, ისრაელის თელ-ავივის უნივერსიტეტის პროფესორი ევსეი კოსმანი წაიკითხავს საჯარო ლექციას „სტრუქტურული ცვალებადობა: ნაირგვარი ბიოლოგიური სისტემების კვლევის უნივერსალური ლოგიკური მეთოდი“.

პროფ. ევსეი კოსმანი ეხმარება ბიოლოგებს მონაცემების ანალიზში, წაიკითხავს ლექციას მეთოდოლოგიის შესახებ, რომელსაც  იყენებს. წლების განმავლობაში კოსმანი იკვლევს რთულ ბიოლოგიურ სისტემებს, როგორებიცაა: სქესობრივი და უსქესო გამრავლება, პლოიდურობის გავლენა გენეტიკური მონაცემების ანალიზზე,

ეკოსისტემების ფუნქციური ჯგუფების გამოყოფა, ვირულენტობისა და რეზისტენტობის ანალიზი, მცენარეების ადაპტაციები და სხვ.

ლექცია განკუთვნილია ბიოლოგებისთვის -  მეცნიერებისა და სტუდენტებისთვის, ასევე მათემატიკოსებისთვის, რომლებიც მუშაობენ გამოყენებით სფეროში. 

სამუშაო ენა: ინგლისური

დრო: 13 სექტემბერი, 16:00 საათი

ადგილმდებარეობა: ილიას სახელმწიფო უნივერსიტეტის E325 აუდიტორია, ქ. ჩოლოყაშვილის გამზ. N3/5

დასწრება თავისუფალია.

2024