სიახლეები

ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტის სატყეო მეცნიერების მიმართულება პროექტის „აკადემიური გამოცდილების გაზიარება მდგრადი ტყის მართვისათვის“ (GIZ გრანტი − N-2836) ფარგლებში აცხადებს კონკურსს სამაგისტრო საფეხურის I და II კურსის სტუდენტებისათვის, რომლებიც იმუშავებენ სამაგისტრო თემებზე ტყის ეკოლოგიისა და მართვის საკითხების შესახებ.

25 აპრილს, 19:00 საათზე, ილიას სახელმწიფო უნივერსიტეტის G406 აუდიტორიაში კონკურსთან დაკავშირებით გაიმართება სტუდენტებთან გასაუბრება.

გასაუბრებაზე შერჩეული სტუდენტები პროექტის ბიუჯეტიდან მიიღებენ სტიპენდიას 6000 ლარის ოდენობით (დაუბეგრავი).

სტუდენტებმა 20 აგვისტოს, 18:00 საათამდე, უნდა წარმოადგინონ საველე ან წინასწარი კვლევის ანგარიში, რომელიც უნდა მოიცავდეს:

• თემის შესავალს;
• მიზნებსა და ამოცანებს;
• კვლევის მეთოდოლოგიას;
• მოსალოდნელ შედეგებს;
• მოსალოდნელი შედეგების განხილვას / დისკუსიას.

თუ მაგისტრანტი ანგარიშს წარმოადგენს ქართულ ენაზე, დამატებით უნდა მოამზადოს 2-3-გვერდიანი შეჯამება ინგლისურად.

სტუდენტებს შესაძლებლობა ექნებათ სურვილისამებრ გამოიყენონ სტიპენდია კვლევის ფარგლებში.
სტიპენდია გაიცემა ორ ნაწილად: პირველი − კვლევის დასაწყისში, მეორე − საველე ანგარიშის ჩაბარების შემდეგ.

კანდიდატს შეუძლია აირჩიოს შეთავაზებული სამაგისტრო თემებიდან რომელიმე (იხ. ბმული) და წარმოადგინოს თავისი იდეა.

დამატებითი უპირატესობა მიენიჭება სამაგისტრო თემის შესახებ ქართულ ან ინგლისურ ენებზე მომზადებულ მოკლე (1-2 გვერდი) წინადადებას/Proposal.

გასაუბრების დრო: 25 აპრილი, 19:00 საათი

ადგილმდებარეობა: ილიას სახელმწიფო უნივერსიტეტის G406 აუდიტორია, გ. წერეთლის ქ. N1

2025