წიგნის „რელიგიური მრავალფეროვნება საქართველოში“ პრეზენტაცია
ღონისძიებები
1 ივლისს 17:00 საათზე გაიმართება წიგნის „რელიგიური მრავალფეროვნება საქართველოში“ პრეზენტაცია, რომელიც მოამზადა სახალხო დამცველთან არსებულმა ტოლერანტობის ცენტრმა. წიგნის მთავარი რედაქტორია ბექა მინდიაშვილი, სამეცნიერო რედაქტორი – სოფო ზვიადაძე.
ღონისძიებაზე ასევე გაეცნობით სახალხო დამცველთან არსებული ტოლერანტობის ცენტრის მიერ მომზადებულ მეორე წიგნს „ეთნიკური მრავალფეროვნება საქართველოში“.
გამოცემები მომზადდა გაერთოს ასოციაციის „ტოლერანტობის, სამოქალაქო ცნობიერებისა და ინტეგრაციის პროგრამის PITA ფარგლებში აშშ-ის საერთაშორისო განვითარების სააგენტოს ფინანსური მხარდაჭერით.
მომხსენებლები:
- ეკატერინე სხილაძე, საქართველოს სახალხო დამცველის მოადგილე;
- ბექა მინდიაშვილი, სახალხო დამცველთან არსებული ტოლერანტობის ცენტრის ხელმძღვანელი;
- კობა ჩოფლიანი, ეროვნულ უმცირესობათა საბჭოს კოორდინატორი;
- სოფო ზვიადაძე, ილიას სახელმწიფო უნივერსიტეტის ასოცირებული პროფესორი.
ღონისძიებაზე დასასწრებად საჭიროა წინასწარი რეგისტრაცია. რეგისტრაციისას მითითებულ საკონტაქტო მისამართზე გამოგეგზავნებათ ღონისძიებაზე დასასწრებად საჭირო ინფორმაცია.
სარეგისტრაციო ფორმა: https://bit.ly/3NiWRqR