სიახლეები

14 ნოემბერს, 12:00 საათზე, ილიას სახელმწიფო უნივერსიტეტის G106 საკონფერენციო დარბაზში გაიმართება 2023 წლის გონკურის პრემიის საქართველოს არჩევანის ლაურეატის გამოცხადების ცერემონია.

გონკურის პრემია ყველაზე მნიშვნელოვანი ლიტერატურული პრემიაა მრავალ პრემიას შორის, რომელთაც საფრანგეთი გასცემს საუკეთესო ფრანგულენოვანი ნაწარმოებისათვის. საქართველო 2019 წელს შეუერთდა იმ ქვეყნების რიცხვს, რომელთაც უფლება აქვთ არჩევანი გააკეთონ.

წელს ილიას სახელმწიფო უნივერსიტეტის, თბილისის ივანე ჯავახიშვილის სახელმწიფო უნივერსიტეტის, ქუთაისის აკაკი წერეთლის სახელმწიფო უნივერსიტეტის სტუდენტები და საქართველოს ფრანგული ინსტიტუტის მედიათეკის ახალგაზრდა მკითხველები გააკეთებენ არჩევანს იმ ოთხ მწერალს შორის, რომლებიც გონკურის აკადემიამ კონკურსის მესამე ტურზე შეარჩია:

• Jean-Baptiste ANDREA, Veiller sur elle, Paris, L’Iconoclaste, 2023
• Éric REINHARDT, Sarah, Suzanne et l’écrivain, Paris, Gallimard, 2023
• Gaspard KŒNING, Humus, Paris, L(’)Observatoire, 2023
• Neige SINNO, Triste tigre, P.O.L, Paris, 2023

ყოველწლიურად კონკურსის ორგანიზებას ხელმძღვანელობენ ილიას სახელმწიფო უნივერსიტეტი და საქართველოს ფრანგული ინსტიტუტი საქართველოში საფრანგეთის საელჩოსა და ფრანკოფონიის საუნივერსიტეტო სააგენტოს მხარდაჭერით.

ფორმატი: ჰიბრიდული

Zoom Meeting: https://shorturl.at/BSLiK

• Meeting ID: 816 0125 1699
• Passcode: 508734

სამუშაო ენები: ქართული, ფრანგული

დრო: 14 ნოემბერი, 12:00 საათი

ადგილმდებარეობა: ილიას სახელმწიფო უნივერსიტეტის G106 საკონფერენციო დარბაზი, გ. წერეთლის ქ. N1

დასწრება თავისუფალია.

2024