დევიდ გრაიჩიკის ლექცია „საერთაშორისო ტერორიზმი“
23 დეკემბერს მეცნიერებათა და ხელოვნების ფაკულტეტისა და საერთაშორისო ურთიერთობების სტუდენტური კლუბის ორგანიზებით ილიას სახელმწიფო უნივერსიტეტში დევიდ გრაიჩიკმა გამართა ლექცია თემაზე: „საერთაშორისო ტერორიზმი“. დევიდ გრაიჩიკი 1984-2010 წლებში აშშ-ის საზღვაო ძალებში მსახურობდა, ასევე იყო სახელმწიფო დეპარტამენტის თანამშრომელი. ამჟამად დევიდ გრაიჩიკი საქართველოში მშვიდობის კორპუსის მოხალისედ მუშაობს კულტურული განვითარების მიმართულებით.
ლექციის მსვლელობისას მომხსენებელმა განსაკუთრებული აქცენტი გააკეთა ამერიკის შეერთებულ შტატებში 2001 წლის 9 სექტემბერს მომხდარ მოვლენებზე, რამაც გარდატეხა მოახდინა ქვეყნის უსაფრთხოების პოლიტიკაში. მან მოკლედ მიმოიხილა 9/11 ტრაგედიის წინმსწრები მოვლენები და აშშ-ის ხელისუფლების უსაფრთხოების პოლიტიკის ძირითადი მიმართულებები. ასევე ყურადღება გაამახვილა ჯორჯ ბუშის, ბარაკ ობამასა და დონალდ ტრამპის ადმინისტრაციების მიდგომასა და საერთაშორისო ტერორიზმის საფრთხის დაძლევის სტრატეგიებზე. შეხვედრის დასასრულს მომხსენებელმა სტუდენტთა შეკითხვებს უპასუხა.
გალერეა