ჰუმანიტარული მეცნიერებები

ჰუმანიტარული მეცნიერებები (ძირითადი და დამატებითი სპეციალობები: ანგლისტიკა, გერმანისტიკა, ესპანისტიკა, საფრანგეთისმცოდნეობა, იტალიისმცოდნეობა, სლავისტიკა, აღმოსავლეთმცოდნეობა, ისტორია, არქეოლოგია, ხელოვნებათმცოდნეობა, კინომცოდნეობა, ლიტერატურათმცოდნეობა, ქართული ფილოლოგია)
პროგრამის ფარგლებში სტუდენტს შეუძლია, აირჩიოს ერთ-ერთი მიმართულება და შეისწავლოს შესაბამისი დარგის ფუნდამენტური ცნებები, დებულებები და თეორიები.

პროგრამის მიზანია:

• გააცნოს მას მსოფლიოს ცივილიზაციების წარსული და განვითარების ისტორია, ამ ცივილიზაციების აზროვნება გადმოცემული მათ შემოქმედებითსა და ენობრივ პროდუქციაში; მისცეს სტუდენტს ფართო ცოდნა საქართველოსა და მსოფლიოს ისტორიის, არქეოლოგიის, ხელოვნების, კინოს, ლიტერატურის ან ენების უმნიშვნელოვანესი ასპექტების შესახებ; განუვითაროს მას ისტორიული წყაროების, არქეოლოგიური ძეგლების, ლიტერატურული ნაწარმოებების, სახვითი ხელოვნების ნიმუშების, კინოშედევრების, ენობრივი წარმონაქმნების – ტექსტებისა და დისკურსების ანალიზისა და კრიტიკული შეფასების, მათი კულტურულსა და ისტორიულ ჭრილში განხილვის და კომენტირების უნარი; ასევე შეასწავლოს სტუდენტს თანამედროვე არქეოლოგიური კვლევა-ძიების თეორიები, მეთოდები და ტექნოლოგიები;
• აუმაღლოს სტუდენტს კულტურათშორისი ცნობიერება და მოამზადოს იგი შუამავლობისთვის უცხო და მშობლიურ კულტურებს შორის; შეასწავლოს სტუდენტს ერთ-ერთი ევროპული ენა – ინგლისური, გერმანული, ფრანგული, რუსული, ესპანური და იტალიური (მხოლოდ დამატებითი სპეციალობის ფარგლებში) და მისი აგებულება მაღალ დონეზე, მისცეს მას ფართო ცოდნა კონკრეტული ქვეყნის საზოგადოებაზე, მის ისტორიაზე, ფასეულობებზე, კულტურასა და ლიტერატურაზე; 
• შეასწავლოს სტუდენტს ერთ-ერთი აღმოსავლური ენა (სპარსული / ებრაული / არაბული / თურქული) საშუალო დონეზე და მისცეს მას ფართო ცოდნა შესაბამისი ქვეყნის ისტორიის, კულტურისა და ლიტერატურის შესახებ;
• გააცნოს მას ევროპასა და საქართველოში მიმდინარე კულტურული პროცესები სხვადასხვა დისციპლინის (ისტორიისა და კულტურის მეცნიერებების, ხელოვნებათმცოდნეობის, ლიტერატურათმცოდნეობისა და ენათმეცნიერების) პერსპექტივიდან; 
• ხელი შეუწყოს სამოქალაქო ცნობიერების, სოციალური ერთიანობის, ნაციონალური, კულტურული და რეგიონული იდენტობის ჩამოყალიბებას, კულტურული და მსოფლმხედველობრივი მრავალფეროვნების გააზრებასა და პატივისცემას. 

დასაქმების შესაძლებლობები:

• საერთაშორისო-კულტურული ურთიერთობები – საელჩოს/საკონსულოს თანამშრომლად
• საერთაშორისო ორგანიზაციები, ფონდები
•  სოციალურ-ჰუმანიტარული და ბიზნესის სფეროები – თარჯიმან-რეფერენტად
• საჯარო სექტორი: საგარეო საქმეთა სამინისტრო, კულტურის სამინისტრო
• კულტურული ტურიზმი
• კერძო სექტორი
• არასამთავრობო სექტორი
• საგამომცემლო დაწესებულებები: რედაქციები, გამომცემლობები
• მასობრივი მედია და ჟურნალისტიკა: უცხოენოვანი გაზეთები, ჟურნალები, ტელევიზია, რადიო და ახალი მედიები 
• განათლების სფერო (განათლების მიმართულებიდან მეორე პროგრამის არჩევის შემთხვევაში)
• გალერეები, მუზეუმები, არქივები, ხელოვნების აუქციონები
• საარქივო, საბიბლიოთეკო სფერო
• საჯარო სექტორი
• კულტურის სამინისტრო, რეგიონული და მუნიციპალური განყოფილებები
• კულტურული პროექტები 
• ხელოვნების აუქციონები
• კულტურული მემკვიდრეობის დაცვის სფეროები
• მასობრივი მედია და ჟურნალისტიკა: გაზეთები, ჟურნალები, ტელევიზია, რადიო, და ახალი მედიები 
• ფესტივალები 
• ხელოვნების მოკლევადიანი და ხანგრძლივი პროექტები
• შოუბიზნესი
• ხელოვნების მოკლევადიანი და ხანგრძლივი პროექტები
• კინოთეატრები
• კინოწარმოება 
• კინოსტუდიები
• კინოფესტივალები 
• კინოცენტრი
• კინოარქივები
• სარეკლამო ბიზნესი
• საპროდიუსერო სამსახური 
• მთარგმნელობითი სფერო

კურიკულუმის აღწერა
სტუდენტმა ბაკალავრის ხარისხის მოსაპოვებლად უნდა დააგროვოს 240 კრედიტი.