საერთო სამაგისტრო გამოცდების შედეგების ანალიზი
ახალი ამბები
2017 წელი ილიას სახელმწიფო უნივერსიტეტისათვის სამაგისტრო პროგრამებზე მიღების თვალსაზრისით წარმატებული აღმოჩნდა.
2017 წელს უნივერსიტეტს 40-ზე მეტ სამაგისტრო პროგრამაზე 1032 ვაკანტური ადგილი ჰქონდა. სულ შემოვიდა 4840 განაცხადი.
ყველაზე მაღალი კონკურსი იყო შემდეგ მიმართულებებზე:
- სოციალური მუშაობა
- საზოგადოებრივი ურთიერთობები
- საჯარო პოლიტიკის ადმინისტრირება
- სახელოვნებო თეორიისა და პრაქტიკის კვლევები და კულტურის მენეჯმენტი
- საკვები პროდუქტების მეცნიერება
- სპეციალური განათლება
- სოციოლოგია
- ბიოფარმაცია
- სისხლის სამართალი
- პოლიტიკის მეცნიერება
აპლიკანტების უმრავლესობას ბაკალავრიატის საფეხურის განათლება სახელმწიფო უმაღლეს სასწავლებელში აქვს მიღებული:
ასევე აღსანიშნავია, რომ ილიას სახელმწიფო უნივერსიტეტის სამაგისტრო პროგრამებს მაღალი შედეგების მქონე აპლიკანტები ირჩევენ. ქვეყნის მასშტაბით საუკეთესო 200-200 აპლიკანტი ტესტების ტიპების მიხედვით შემდეგნაირად გადანაწილდა უნივერსიტეტებში:
A ტიპის ტესტი – საუკეთესო 200 აპლიკანტი
92 – ილიაუნი
108 – სხვა უნივერსიტეტი
B ტიპის ტესტი – საუკეთესო 200 აპლიკანტი
53 – ილიაუნი
147 – სხვა უნივერსიტეტი
C ტიპის ტესტი – საუკეთესო 200 აპლიკანტი
101 – ილიაუნი
99 – სხვა უნივერსიტეტი
აღსანიშნავია ისიც, რომ ქვეყნის მასშტაბით საუკეთესო 9 აპლიკანტიდან (თითოეული ტიპის ტესტისთვის საუკეთესო 3 აპლიკანტი) ილიას სახელმწიფო უნივერსიტეტის სამაგისტრო პროგრამა აირჩია 4-მა აპლიკანტმა.